..:::ŞER və SEVGİ dolu adanız:::..

Fuad Rzayev

Tale aldı səni mənim əlimdən,

Bir hicran kəsildi qəlbimə hakim.

Sevdim... Ürəyimlə bacarmadım mən,

Kaş ki, məhəbbətə əyilməyəydim.

                    *      *      *

Ürəyim tək sənin oduna yandı,

Tək səni sevmişdim. Pənahım səndin.

Həyatda etdiyim günahlar içrə,

Bəlkə də, ən böyük günahım səndin.

                    *      *      *

Mənim həsrətimin üsyan səsidir,

Gözümdən süzülüb axan şəlalə.

Bilsəydim, inan, heç sevməzdim səni,

Mənim axırıma çıxan Şəlalə.

                    *      *      *

İnamım yox oldu, küsdüm hər şeyə.

Bu gün, dəfn edirəm məhəbbətimi.

Səndə səadəti tapdığım kimi,

Səninlə itirdim səadətimi.

                    *      *      *

Elə ki, eşitdim, nişanlanmisan,

Ürəyim titrədi, qopardı fəryad.

Yazıram, biləsən, bu şerimi mən,

Sənə həsr edirəm.   Hörmətlə: FUAD